Adıgey Cumhuriyeti Günü Kutlu Olsun

Adıgey Cumhuriyeti Günü Kutlu Olsun

Adıgey Cumhuriyeti Başkanı Murat Kumpil'in, cumhuriyetin kuruluşunun 29. yıldönümü vesilesi ile yayınladığı mesajı okuyucularımız bilgisine sunuyoruz.



Уихэку шlу плъэгъуныр цlыфым изэхашlэхэм ащыщ. Ар чlыгоу укъызщыхъугъэм плъапсэ зэрэщыщыр зэхэпшlэныр, уятэжъхэу джэныкъо машlор зымыгъэкlосагъэхэм, сабыйхэр lофшlакlэм фэзыгъасэзэ зыпlугъэхэм яшlэжь уухъумэныр ыкlи шlуагъэ ащ къыфэпхьынэу уфэеныр.

Адыгэ Республикэр тикъэралыгъо ичlыпlэ анахь дахэхэм ащыщ, тихэгъэгушхо изыlахьэу, ащ фытиlэ шlулъэгъур тыгухэм арылъ.

Адыгэ Республикэр загъэпсыгъэр непэ хэтэгъэунэфыкIы. Тиреспубликэ ыпэкlэ лъыкlотэным, хахъо ышlыным лъэпсэ пытэ фэзышlыгъэхэм ыкlи зэкlэ тичlыгу гупсэ фэгумэкlэу фэлажьэхэрэм мы мафэм рэзэныгъэ гущыlэхэр афэсэгъазэх. Сыд фэдэ лъэныкъоми - гъэсэныгъэм, шlэныгъэм, культурэм щылажьэхэрэми, губгъом итхэми, хъызмэтшlапlэм чlэтхэми ягъэхъагъэ - тихэку игъэхъагъ. Ахэм яlофшlагъэ ихьатыркlэ тиреспубликэ ыпэкlэ лъэкlуатэ, Адыгеим ыцlэ шlукlэ агъэlу.

Шъощ паекlи, тиреспубликэ паекlи лъэшэу сэгушхо ыкlи Адыгеим хэхъоныгъэхэр ышlынхэр, ахэм ягъогу тет зэпытыныр сипшъэрылъ шъхьаlэу сэлъытэ.

Лъытэныгъэ зыфэсшlырэ сичlыпlэгъухэр, тиреспубликэ имафэ фэшl сышъуфэгушlо!

yukarı çık